თანასწორგანმანათლებლები სოც. მედიის ტრენინგის საშუალებით მიღებულ ცოდნას თანატოლებს უზიარებენ

23 ოქტომბერს მარტყოფის #2 სკოლაში ჩატარდა პირველი დონის სოც. მედიის ტრენინგი. ტრენინგი ჩაატარეს ამავე სკოლის მოსწავლეებმა ქეთი შოშიაშვილმა და ქეთი ეპიტაშვილმა. ტრენინგს დაესწრო მარტყოფის #1 და #2 საჯარო სკოლის მოსწავლეები სულ 15 მოსწავლე. ტრენინგზე ახალგაზრდებმა  თანასწორგანმანათლებლების დახმარებით შეისწავლეს ელექტრონული ფოსტსის გამოყენება, შექმნეს ბლოგები და აირჩიეს თემა რაზეც მომავალში იმუშავებენ. მოსწავლეები ასევე დეტალურად გაეცვნენ ვიდეო ფაილებთან სამუშაო პროგრამებს, შეისწავლეს სამოყვარულო ფილმების ვიდეო მონტაჟი.

უნდა აღინიშნოს, რომ თანასწოგანმანათლებლები სოციალურ მედიაში წარმატებული ახალგაზრდები არიან: ქეთი ეპიტაშვილმა პირველი ადგილი აიღო ბლოგების კონკურსში ნომინაციაში - "ახალგაზრდა ომბუდსმენი" , ქეთი შოშიაშვილმა კი მეორე ადგილი  იმავე ბლოგერების კონსურსში , ნომინაციაში - " ჯანსაღი ცხოვრების ადვოკატი". ქეთი შოშიაშვილი ასევე სოც. მედიის მეორე დონის ბანაკის მონაწილეა. გოგონებმა სხვადასხვა წელს  ასევე მონაწილეობა მიიღეს სამოქალაქო განათლების საზაფხულო ბანაკში.

სამოქალაქო კლუბის აქტიური წევრები ცდილობენ თანატოლებს გაუზიარონ ბანაკებსა და ტრენინგებზე მიღებული ცოდნა, რათა სხვებსაც  მიეცეთ შანსი გახდნენ წარმატებული ბლოგერები, აქტიურად გამოიყენონ სოც. მედიის ინსტრუმენტები საკლუბო მუშაობის შესახებ ინფორმაციის გავრცელებისათვის.

სამოქალაქო კლუბმა "სუპერვიზია" კლუბის ფეისბუკის გვერდი შექმნა

რუსთავის #2 საჯარო სკოლის სამოქალაქო განათლების კლუბმა "სუპერვიზია" 20 აგვისტოს დაარეგისტრირა კლუბის ფეისბუკის გვერდი https://www.facebook.com/supervizia?ref=hl . გვერდის ადმინისტრატორია კლუბის აქტიური წევრი სალომე აბულაშვილი. ფეისბუკის გვერდზე უკვე განთავსდა კლუბის მიერ განხორციელებული აქტივობების ამსახველი ფოტომასალა.
კლუბი გეგმავს სამოქალაქო განათლების პროგრამით გათვალისწინებულ ღონისძიებებს, რომლებსაც ახალი სასწავლო წლიდან განახორციელებს. 

მარნეულის #6 საჯარო სკოლის სამოქალაქო კლუბის წევრის დაჯილდოება

13 აგვისტოს სიქა-ს ოფისში მარნეულის #6 სკოლის სამოქალაქო კლუბ "იმედის" ბლოგერს მარიამ ხარაიძეს გადაეცა ბლოგერების კონკურსში მესამე ადგილზე გასვლისთვის სიგელი და მუსიკალური პლეიერი.  

ამავე დღესვე მარიამს გააცნეს სამოქალაქო განათლებისა და პედაგოგთა გადამზადების პროგრამის სიახლეები: შექმნილია სამოქალაქო კლუბების რეგიონული ქსელი http://civicsnet.ge/, რომელზეც სოციალური მედიის მეორე დონის ტრენინგის მონაწილე მოსწავლეები  ათავსებენ ინფორმაციებს საქართველოს ყველა რეგიონის სასკოლო სამოქალაქო კლუბების აქტივობების შესახებ; გამოცხადდა მცირე გრანტების მორიგი კონკურსი; სამოქალაქო კლუბის წევრს მიეცა რეკომენდაციები კლუბის მუშაობის გაუმჯობესების კუთხით.

სოც.მედიის ტრენინგი მასწავლებლისათვის

26 და 29 ივლისს სიქა-ს ოფისში სოც.მედიის ტრენინგი ჩაუტარდა გარდაბნის #1 საჯარო სკოლის პედაგოგს ნანა ყანდიაშვილს. გარდაბნის #1 სკოლა ერთ-ერთია იმ ხუთი სკოლიდან ქვემო ქართლის რეგიონში, რომელიც წელს დაჯილდოვდა ტექნიკის სრული კომპლექტით.  სამოქალაქო კლუბის "Creative teenagers" ეს წარმატება დიდი სტიმული აღმოჩნდა კლუბის მეურვისთვის.  ქ-ნმა ნანამ გადაწყვიტა, უფრო კარგად დაეუფლოს სოციალური მედიის კომპონენტებს, რათა აქტიურად გამოიყენოს კლუბის მუშაობაში. მისი ინიციატივით მოეწყო ეს ტრენინგიც, რომელზეც მასწავლებელი დარეგისტრირდა ელ.ფოსტაში და ფეისბუკზე და ისწავლა მათი გამოყენება.  

ბლოგერების კონკურსის გამარჯვებულები გამოცხადდა!

 2013 წლის მაისში ორგანიზაცია PH International - საქართველო, აშშ საერთაშორისო განვითარების სააგენტოს (USAID) მიერ დაფინანსებული „სამოქალაქო განათლებისა და პედაგოგთა გადამზადების

პროგრამის“ ფარგლებში გამოაცხადა კონკურსი, რომლის მიზანი იყო გამოევლინა მოსწავლეთა მიერ სამოქალაქო განათლების თემებზე შექმნილი საუკეთესო ბლოგები. 

ივნისის ბოლოს დასრულდა კონკურსი და გამარჯვებულთა სია ასე გამოიყურება:

1. ახალგაზრდა განმანათლებელი - მედეა ჩუბინიძე,გორის #3 საჯარო სკოლა http://cookingblog4u.blogspot.com/

2. ახალგაზრდა ომბუდსმენი - ქეთი ეპიტაშვილი, მარტყოფის #2 საჯარო სკოლა http://keetblog.wordpress.com/

3. ბუნების დამცველი - მარიამ მოსიაშვილი, ახალციხის #6 საჯარო სკოლა http://chemibuneba.wordpress.com/ 

4. ჯანსაღი ცხოვრების ადვოკატი - მანანა ნანძულაშვილი, კასპის #4 საჯარო სკოლა http://mmandzulashvili.wordpress.com/

ეკატერინე ხუბულური, გორის #11 საჯარო სკოლა http://ekakhubuluri.wordpress.com/

5. მოქალაქე ჟურნალისტი - თორნიკე მღებრიშვილი, ახალციხის #2 საჯარო სკოლა http://metiyvelaferze.blogspot.com/

შალვა ჭონიშვილი, ქუთაისის #37 საჯარო სკოლა, http://tfmthoughts.wordpress.com/

6. სასკოლო სამოქალაქო კლუბის ბლოგი - თამარ ჯაბაური, გორის #12 საჯარო სკოლა http://ertobaa.wordpress.com/

19 ივლისს თბილისში, სასტუმროში „რედისონ ბლუ ივერია“ გაიმართა ბლოგერების კონკურსში გამარჯვებულთა დაჯილდოების ცერემონიალი.  გამარჯვებულებს გადაეცათ სიგელები და iPad. ქვემო ქართლის რეგიონიდან გამარჯვებული გახდა ქეთი ეპიტაშვილი მარტყოფის #2 საჯარო სკოლიდან ნომინაციაში "ახალგაზრდა ომბუდსმენი". 

უკვე ცნობილია ბლოგერების კონკურსის მეორე და მესამე ადგილზე გასულთა სიაც. ჩვენთვის სასიხარულოა, რომ მათ შორის არიან ქვემო ქართლის რეგიონის ბავშვებიც.

მეორე ადგილზე ნომინაციაში " ჯანსაღი ცხოვრების ადვოკატი" გავიდა მარტყოფის #2 საჯარო სკოლის მოსწავლე ქეთი შოშიაშვილიhttp://qetushas.wordpress.com/ . ქეთის საჩუქრად გადაეცემა ფოტოაპარატი Nikon COOLPIX S3300 16 MP Digital Camera.

მესამე ადგილზე ნომინაციაში "სასკოლო სამოქალაქო კლუბის ბლოგი" გავიდნენ 

• რუსთავის #15 საჯარო სკოლის მოსწავლე ქეთი ბერიძე http://meaqtiurimoqalaqe.blogspot.com/ 
• მარნეულის #6 საჯარო სკოლის მოსწავლე მარიამ ხარაიძეhttp://marneuli6.blogspot.com/

მესამე ადგილზე გასულნი დაჯილდოვდებიან MP3 პლეერით (Sandisk MP3 player 4GB SDMX20R-004)

ქეთის, ქეთის და მარიამს ვულოცავთ ამ გამარჯვებას და წარმატებებს ვუსურვებთ მომავალშიც!

გვჯერა, რომ ამ გოგონების წარმატება სტიმული იქნება დანარჩენი ბლოგერებისთვის და მომავალ კონკურსებში წარმატებებს ისინიც მიაღწევენ!

ვიდეოს დამუშავების ტრენინგი სამოქალაქო კლუბების წევრებისთვის

16 აპრილს სიქა-ს ოფისში ჩატარდა ტრენინგი სამოქალაქო კლუბების წევრებისთვის, რომელზეც მოხდა ვიდეოს დამუშავებისა და ინტერნეტში განთავსების მეთოდების შესწავლა. ტრენინგს დაესწრო რუსთავის #12, #17, #18, #20, #24, #26 საჯარო სკოლების სამოქალაქო კლუბების 13 წევრი. მოსწავლეებს ტრენინგზე მიღებული ცოდნა გამოადგებათ კლუბების მიერ გადაღებული ვიდოების დამუშავებისა და ინტერნეტში გამოქვეყნებისთვის.

სიქა აცხადებს აპრილის კონკურსებს

"სამოქალაქო განათლებისა და პედაგოგთა გადამზადების პროგრამის" ფარგლებში სიქა აცხადებს 2 კონკურსს:

1. "აქტიური ბლოგი" -  ბლოგის თემატიკა: სამოქალაქო კლუბი, მოხალისეობა, აქტიური მოქალაქეობა, თანამშრომლობა თვითმმართველობასთან, აქტიური მოსწავლეთა თვითმმართველობა, ჯანსაღი ცხოვრება, ინტეგრაცია-ტოლერანტობა, გარემოს დაცვა, ადვოკატირება ან სამოქალაქო განათლების სხვა თემატიკა. ბლოგზე აუცილებლად უნდა განთავსდეს ინფორმაცია პროგრამისა (PH International, USAID, სიქა) და  ბლოგის ავტორის შესახებ. მონაწილეობა შეუძლია პროგრამის სამიზნე სკოლების მოსწავლეებს 9-12 კლასებიდან.

ბლოგის შეფასების კრიტერიუმები:

• არჩეულ თემასთან შესაბამისობა;
• პოსტები სხვადასხვა თემატიკაზე (ერთი თემის რამოდენიმე პოსტი ჩაითვლება 1 პოსტად). 1 თემატური პოსტი -2 ქულა, შესაბამისი სურათი -1 ქულა, ვიდეო - 3 ქულა(თუ ბლოგის ავტორის დამზადებულია, ტიტრებში მითითებით), 1 ქულა (სხვა ავტორის ვიდეო გაზიარებული ბლოგზე).
• გამოხმაურება მკითხველის მხრიდან (შინაარსიანი კომენტარები). თითო კომენტარი -1 ქულა.
• დაითვლება მხოლოდ 2013 წლის აპრილში გამოქვეყნებული პოსტები.

კონკურსი გაგრძელდება 30 აპრილის ჩათვლით. 2 მაისს გამოცხადდება გამარჯვებული ბლოგერი. კონკურსში მონაწილეობა შეუძლია ახლადშექმნილ ბლოგებსაც.

2. "ვიდეო კონკურსი სამოქალაქო კლუბებისთვის" - კონკურსში მონაწილე სამოქალაქო კლუბებმა უნდა წარმოადგინონ სხვადასხვა ტიპის ვიდეოები: გამოკითხვა, ინტერვიუ, სიუჟეტი, ვიდეორგოლი. ვიდეოს თემატიკა: სამოქალაქო კლუბი, მოხალისეობა, აქტიური მოქალაქეობა, თანამშრომლობა თვითმმართველობასთან, აქტიური მოსწავლეთა თვითმმართველობა, ჯანსაღი ცხოვრება, ინტეგრაცია-ტოლერანტობა, გარემოს დაცვა, ადვოკატირება ან სამოქალაქო განათლების სხვა თემატიკა. ვიდეოში აუცილებლად უნდა ჩანდეს ინფორმაცია "სამოქალაქო განათლებისა და პედაგოგთა გადამზადების პროგრამის" შესახებ (PH International, USAID, სიქა). ასევე სამოქალაქო კლუბის შესახებაც. კონკურსში მონაწილეობა შეუძლია პროგრამის სამიზნე სკოლებს ქვემო ქართლის რეგიონში.  გაიმარჯვებს კლუბი, რომელიც ყველაზე მეტ და სხვადასხვა თემატიკის ვიდეოს დააგროვებს. ვიდეოები გამოქვეყნებული უნდა იყოს 2013 წლის აპრილში, უმჯობესია Youtube-ს პორტალზე. ვიდეოების ლინკები  სიქა-ს უნდა მიაწოდონ ელ.ფოსტაზე  civic.siqa@gmail.com

კონკურსი გაგრძელდება 30 აპრილის ჩათვლით. 2 მაისს გამოცხადდება გამარჯვებული სამოქალაქო კლუბი.

ბლოგების კონკურსში გამარჯვებულნი გამოვლინდნენ

"სამოქალაქო განათლებისა და პედაგოგთა გადამზადების პროგრამის" ფარგლებში PH International წელიწადში 2-ჯერ ატარებს ბლოგების კონკურსს. 2012 წლის დეკემბრიდან 2013 წლის თებერვლამდე სპეციალური ჟიური თვალყურს ადევნებდა პროგრამაში ჩართული სკოლების სამოქალაქო კლუბების წევრების მიერ შექმნილ ბლოგებს და 5 თებერვალს გამოვლინდნენ გამარჯვებულნი. ლინკზე შეგიძლიათ იხილოთ გამარჯვებულთა სია.
ქვემო ქართლის რეგიონიდან წარდგენილი ბლოგებიდან ნომინაციაში "სასკოლო სამოქალაქო კლუბის ბლოგი" II ადგილზე გავიდნენ  გვანცა საგანელიძე  (რუსთავის #12 საჯარო სკოლა) და სანდრო თათელაძე (კაზრეთის #1 საჯარო სკოლა), ხოლო   III ადგილზე - მარიამ მარგველანი (ბარეთის საჯარო სკოლა) და გურამ საყევარიშვილი (კუმისის საჯარო სკოლა).
სიქა ულოცავს მათ ამ წარმატებას!